Eng vang kher nge?

Sangsangi Khawlhring Lunglian

Ruah sur deuh cher cher kar ah chuan ani chu ka lo nghak a , vawt tihna leh ningna pa1 mah ka nei heklo . Nidang chu nise he ruah sur hi ka do tawp lo ang, chuan ka thiante tumah ka nghak ngailo bawk mi nghah hi khawvel a ka ze duhloh ber ani a nghah nih ka duh lo ang bawk in nghaktu nih pawh ka duh hek lo . Mahse tun a ka mi nghah erawh chu he khawvel a ka nun ti famkim tu leh kum 6 hial ka lo zui tawh ka nun a mipa pakhat lo ni ve ngat a ni. Tin vawiin hi ka birthday ania a intiamna ang ngeiin ka tan theihnghilh theih tawhloh tur thil min pek ngei ka ring ani . Ani kha hna thil avang in khawdang a azin angai thut a kei chuan "tun sunday hi ka birthday ania i kal tho dawn em ni ? Tiin uluk leh kallo tur a ngen deuh lek lek mit meng chuan ka melh tawk tawk a.

"Ka kal ngei angai ani , mahse hei ka tiam a che . I birthday hmang hman in ka lo hawng anga i theihnghilh theih tawh loh tur thil tha deuh ka pe ang che" tiin ani khan a sawi miau a , a intiamna ang ngeiin a rawn hawng a chuan ka tan engthil nge ka rawn ken ang tih erawh ka hre mai biklo , ka kut a sana tereuh te chu melh zeuh in ka hmui ka ti sawi bai bai a "ti em em a han tlai mai chuh" tiin ka phun chhuak sap a.

A hnu minute 20 vel ah chuan phurloh hmel deuh hian a rawn kal a , a kut ka lo en vat a mahse engthil mah a keng hauh silo " sangi i beisei sang mah mah ani" ka ti leh sap a , ka bul a rawn thleng chuan za lo tih hriat tak hian anui lui sak a
"Happy birthday"
"Ka lawm e , ilo la theihnghilh loh avang in " kan ngawi vang vang a , ka va melh zeuh a ani chuan thawk ala deuh hak a.
"Sang kan inthen angai , hlim tak in awm zel rawh aw . Keipawh hlim tak in ka awm ang" a ngawi leh det a "min ngaihtuah ngai tawhlo tur in ka duh che ani" a thusawi awiawm loh lutuk avang chuan in ka nui chhuak hawk a
"I aaa mi ? Fiamthuna hun pawh anih loh hi ? Ruah tla kha ka do han vek , ka hnawm chep mai ka vawt ropui mai si kan in ah kal vat teh ang" nuih chhuah hawk pah chuan a ban ah ka vuan zui nghal zat a mahse chu a ban ka vawnna chu rang tak in a theh thla a
"Ka sawi kha i hrelo em ni ?"
"D" ka ngawi dat a sawi tur mai ka hrelo ka hamhaih zo vek ani mai
"Hlimtak in inun hmang rawh , keipawn hlim tak in ka hmang ang" a rawn tih leh tak ah chuan ka mit sulh a , sawi mai tur ka hrelo ka hrawk hi rek bet tu awm ang maiin a hnawh tlat a , ka mittui tlak loh nan ka hmui hnuai lam chu ka pet fan fan bawk a
"Sang ka tihpalh ani "
"Enge a chhan ? Sawi nghal rawh ? Engvang a tun teh thut a inthen duh nge inih ? Kei lo hmeichhe dang i tawng em ni ? Nilo kha kum6 chhung khan bum ka lo tawk a , toys ang mai a khalh kual ka lo ni em ni ? Mipa inia ithutiam ah i ding theilo maw ?" Ka thawk a chham dawn lek lek in ka hria , ka thinrim lutuk chu puah pawp pawp a puah darh vek mai ka van chak tak em ! Mipa zaidam leh nunnem em em kha tun ah chuan khawvel a mipa vawt ber ang mai ani , a mitmeng vawt tak chuan min melh in ka ban ah a vuan a

"Nang chu hmeichhe chak tak ini a ithei em em ang ? I na dawnlo ani tih pawh ka hria ani" a rawn tih leh tak ah chuan ka khawlhring luhlulna chu chhuak in a mit tak ah ka melh a
"Ni e , kei chu robot alawm ka nih ka na ve theilo "
"Nia , nangpawn robot an na ngailo itih kha , hlim deuh in awm la inhuat ka duhlo thian erawh kan la nithei ang" tihpah chuan min kalsan nghal hmak a , a kal liam tur chu ka en char char a vawi1 pawh alo hawi let miahlo , kha mihring min hmangaih em em thin tu ka tello a ni1 awm pawh harsa tia iak iak thin khan vawi1 pawh lo hawi let miahlo in kei hi min kalsan anih chu , kha mi hnaisailo khan kei hi min lo fiam tihna em ni ?

A kalliam hnu chuan ka tha neih zawng zawng ala kiang nghal vek emaw tih tur ang mai ani , ka thu hnawk a ka mit atang mittui dan rual loh in a lo luang thla nghal a dang thei pawh ni ila dan erawh ka tumlo bur , kei hmeichhe luhlul leh mahni in duhtawk na hre ve ngailo ang mai a in ngai kha ka taksa peng pa1 ang mai a ka ngaih in min han kal san ta chu ant zia sawifiah avan har tehlul em ! Van te khian ka natna min hriatpui ani ngei ang malsawm ruah a rawn tla tan leh chiam a mahse chu lai hmun atang a kalsawn tur erawh in chakna ka la nei hleklo thung . Ka thinlung hi hmun tam tak a vih ang maiin ana nawn awn awn a , ka mit a tang a mittui luang chu ruah nen a in pawlh nuai tawh bawk a .

Mungchang in in lam ka pan a , ka intifai a ka room ah ka let nghal thawk a . Ka ruah do vang ani ngei ang ka khua lah chu a sik er er bawk mahse he pawnlam natna hi zawng a ve mai alo ni .

Zan dar 12:00am vel ah chuan ka chapona zawng zawng dahtha in ka phone ka la a , a hming ka save chu hmetchhuak in ka dial ta nghal a , a ring ral dawn emaw tih hnu ah a rawn picup ta hram a
"D chhan a awm in ka ring ? Ti mai hian i kal theilo ? Khawngaih in?"
"Sang thian ang a min rawn biak theih hun ah min rawn be leh dawnnia tun ah chuan kan inkar ah engmah a awm tawhlo , mut ka duh ani " tih leh phone dah chu a rual a . Kei na tak a ka awmlaiin ani chuan mut maw alo thlan a ? Aw , rul hi ti em em hian alo inthuam mawi thei alo ni maw ?

Ani in min kalsan atang khan hmeichhe hlim leh mahni inringtawk ka nihna chu a bo zo ani ber mai . Hlim hi enge a awmzia ? Engtin nge an nuih ? Tih ka hre tawhlo ani ber mai . Pawnlam chu hlim ang in lang mahse chhungril erawh rum sawi hleihtheih loh in a rum nitin zantin a ,damdawi awmsilo natna chu kei hian ka tuar mek ani .

Khawi hmun ah pawh ani nen kan sulhnu hlir ani mai si , khawvel hi alo van zim teh lul em !! Ka nu leh ka pa te bia in shillong lam a zirna chhunzawm ka dil ta tawp a . Anni pawn ka natna hria in an lo remti ve mai bawk a mahse kal duh viau mah ila ani nen kan sulhnu te hi kalsan ka hreh leh lai si , ani a hnai telh telh a ka huphurh leh tet tet e .

Kan kal dawn zan meuh chuan in ani kha lo kal in "sang, kallo mai rawh engkim bul tan tha ang" tiin ka kut vuan chung a ngaihdam min dil beisei reng chung in ka lo nghak a mahse chu erawh beiseina beidawnthlak a van ni tehlul em !!!

Kanu leh pa uleh nau te nen a hlimtak a kan lo chenna run ngei mai chu chhuahsan in shillong lam ka pan thla ta vang vang a "theihnghilh theilo mah ila nakin ah chuan ka nun ah mi pa1 ve mai al ni ang" tiin ka in fuih nawn fo bawk . Mahse ka nun a mi pawimawh ber Pathian leh ka chhungte tihloh ah chuan alo nih hman miau avang in ka nun a mipa1 ve mai ang a awmtir tur chuan kumsul engzat tak liam ang maw ? Kei ngei pawh hian "ka nun a mipa1 ve mai ala ni ang" tireng in piallei ka zalpui mahna .

Shillong boruak thengthaw nuam leh zang huih chu ka hip vang vang a , ani nen kan inhmuh lohna pawh kum4 lai alo ni ve ta reng mai . Thian thar tam tak chhar in tun ah chuan "hmeichhe hlimthei leh mahni inringtaawk tak"kha ka ni ve leh ta , tin ani pawn ka mittui la titla fo mah se nitin zantin erawh ani ta bik hauhlo mai chu chuan tlem tlem in hma ka sawn ani tih min hriattir a ka van hlim zual thin tak em ! Ani kha engtik hun ah pawh khawi hmun ah pawh ka kiang a awm ve a ka ngaihan thin te chuan tlem tlem in kian zai an rel a rinohak bak in ka zirna lam ah pawh ka ti tha bawk a .

Kum 6 lai ka awm hnu chuan zirna a hlawhtlin tak in ka hawng a , chu mai ala nilo exam zawh a interview ka neihna ah khan tling in thla3 hnu ah hna zahawm tak ka thawk chhunzawm dawn bawk ani . Tun ah chuan he khawvel hi ka ta ni maiin ka hria , ka hlimna neih hi a rei dawn em tih erawh ka hre hahlo thung?

Airport ah kanu leh pa in min lo hmuak a , dam leh tluang tak in kan in pawh ka thleng a . Ka thiannu engtik lai pawh a ka kawm thin tluangi pawh reilo te ah a rawn lut nghal vat a
"Lalsang ka ngai lutuk che "
"Tluang chhephak i in duh bawk a maw engmah ka hawn lo che ania" ka nui lui hak a
"Eee, min hawn lo tak tak maw ? Anih ka haw leh nghal dawn" tihpah a a inher lawp chu inchung a ka room lam ah ka pawt chho nawk nawk a
"Ana ania , min thlah rawh"
"Tluang ani khan nupui anei tawh em ? Ka lo haw tih a hria tiraw ? Huh , a hma ah chapo tak in kan awm angah . A ngaihnep em em thin khan hna ka nei dawn chu ania" tihpah in ka nui lui deuh hak a .

Hun hmalam sawi leh lawk ang, Khatia min kalsan khan ka na em em a , belh tur chuang ka hrelo . Thinkung na hi he khawvel a nat na zawng a na ber tiin kei chuan a hming ka phuah ngam sak ani , ni1 chu ka chhuk hma deuh chiah in text ka dawng a.
"Sang i zirna hmundang ah i chhunzawm dawn ani tih ka lo hria a , hlawhtling tak in rawn hawng la mi engemaw tak lo la ni ang che" a rawn tih chuan ka mittui chu dan rual loh in a luang leh ngial ngial a
"I sawi phak a awmlo min duhlo a min kalsan tu khan ka hma hun ah suangtuahna lo nei ve suh"
"Huh, i hmahun maw ? Ka hmuhsit tur tawk leh a chapo ini ang tih ka hlau hle mai . Kei chuan hna tha tak ka nei a i nei ve thei dawn silo " a rawn tih chuan ka sa zawk a
" Kan en ang chu ! Tunge i ai sang a leng chu" tiin ka challenge ve nghal anih kha . Ni e amah avang khan ka theihna zawng zawng bak leh tlem belh in lehkha kha ka zir a , ani ai a hlawh sang neih ka tum ruh tlat bawk ani . Chu ka tumna chu tun ah a rah ka seng dawn mek bawk a . Ani pawn a thei anih chuan engvang in nge ka theih loh ang ? Ka pa fanu alawm ka nih tiin ka in hrilh mawlh mawlh fo thin

"Sang engmah ila hrelo em ni ?" Tluangin mak tih hmel tak a min en chuan a chal ah ka lo khawng fawk a
"A nupui neih thu min hrilh i tum tihna em ni ?" Nui deuh suk hian ka lo ti a
"Nilo e " a tih leh tak ah chuan rang tak in " a hna atang an ban ami?" Ka tihzawm nghal zat a
"Sang hei chhiar la i hrethiam mai ang , d khan lo pe rawh a ti a "
"Eng lehkha nge ?" Tihpah in tluangi lehkha ken chu ka pawtthla nghal a
"D kha a boral tawh, inu leh pa te leh kei ngei pawn i zirna i tlakchhiat kan hlau a kan hrilh ngamlo che a , mahse ilo haw khan i hre tawh tur ah ka lo ngai a " a tih chuan ka mit sulh mai , za lo tak chuan ka nui lui deuh hak hak a
"Dawt sawi tum suh ? Min tihder theilo " ka aw chhuak chu a lawi rat a atawp lam pang chu kei pawn ka hre tawk tawk ani
"Lehkha kha chhiar rawh apawi ka ti lutuk" tiin min rawn kuah thlawp a , ka biang ah dan rual loh in mittui aluang leh nghal zung zung a
"Nilo , nilo ani kha athi theilo . Hrilh duh ka ngah lutuk " ka thaw theilo mai dawn in ka hria , ka awm chu ka chum dat dat a , d a lehkha min hnutchhiah chu ka keu a . Mittui tlakna ni awm tak in a then chu a lo val pherh leh zeuh thin bawk .

BUL TAN DAN TUR KA VAN THIAMLO TAK EM !
"Sang he lehkha i hmuh hun ah chuan kei chu ka awm tawhlo maithei , i mittui ti tla lo la ka duh ani . Na tak a nagmah siam tu che ka ni tih hria in i mittui kha titla duh miah suh aw ? Kei mipa nep leh mahni thutiam hlen na kawng ah pawh hlawhtling theilo tan hian kha i mittui kha chu ti tla duh miah suh aw ? Ka phulo ani , i kittui far1 pawh kei hian ka phulo ka tih natna zawng zawng che te kha ngaihtuah la min hua la min haw leh thin in ka phu tawk ka hmu ah ngai hmiah rawh.

Kha ni ka kalsan dawn tum che a ka ngaih zia che kha ka van sawi thiamlo zawk tak em ! Mahse ka lu na leh ka thawk hah thin lutuk avangin test eng eng emaw tih ka ngai si , lo let leh vat tur in ka intiam reng anih kha . I birthday hman pui loh mawlh mai che kha ka hlauh anih avang in hma tak ah ka nu nen chhuak in test pawh kan ti vat vat a mahse chawhnu lam alo nih a result ka hriat chuan ka van na tehkher em ! Kei hi ka lo cancer anih chu , chu pawh thluak cancer ka mit sulh a kei mah leh keimah chu ka la in ngaihtuah thei mai mahse nang ka ngaihtuah na a lo lut vat in hun ka neihtlem tawh zia ka hre chhuak nghal uar uar bawk a doctor in "beisei a bo tawh hle mai stage 4 lai ani tawh si a chemo in awmzia aneih ka ringlo ani kapi" tia ka nu a hrilh chu ka hre viai viai thei chauh ani , engtin nge ka tih tak ang ? Ka tello in engtin nge i awmtak ang ? Hmeichhe zaidam leh hmeichhia a zawng a ka lo dim ber , kehthei dawm tak meuh meuh a ka lo dawm khan ka thi vat dawn ani tih hria se engtin nge a tuar ang ? Ka thih hun ah engtin nge khawvel a hmachhawn tak ang ? Ka ngaihtuahna chu a buai nuai nuai ani ber mai , kei mah leh keimah chu ka in ngaihtuah thei lo thi ta pawh ni ila a pawi lo mahse nang engtin nge i awm ang?

Kan haw zan pawn vawi1 pawh ka lo be lo che a i vui em em anih kha mahse kha zan te khan chhin1 lek pawh ka chhing miahlo asin ,. A tawp ah chuan ka lak ata hla tak ah awm in inthen thu hrilh che ila tih ka ngaihtuah a mahse avan harsa tehreng em ! Mipa meuh pawh alo pa theih loh zawng anih hi maw , ka biang ah mittui aluang zung zung a mahse ka tih angai miau si . Min huatna hlir in khat la chuti chuan mual ka liam hnu ah pawh i pai dai thei hian ka ring zawk ani .

I birthday ni ah ber kher ka hrilh che angai hian min ti hrehawm a kei mah leh keimah hi ka van in haw tak em ! Lo intawng lo in nang hi ka ta lo nilo la tiin kan ngaihtuah a mahse kan hmahun tur kan hre lawk miau silo a , kha thu ka hrilh ni che khan ka en zui reng che a . I haw thleng khan ka en che asin ,ka biang ah mittui aluang a chuutiang bawk in nang pawh rawn kal a pawm vawng vawng mai che kha ka chak , he natna hi nang nen a hmachhawn dun theih ka van chak em ! Ka chakna ber ini a nang ka kiang a i awm chuan hei ai hian anep deuh tur mahse ka hma ka sial em em mai dawn si a , chutiang chu ka duh bik bawk silo . Ka kiang ah awm in min hmachhawn pui nila chuan tun ai hian kala chak in ka la that zawk te ka in ring asin. Mahse chutiang chu ti ila he khawvel a ka mi huat ber "mahni hmasial" chu ka ni dawn si a ,ka natna te min tuar pui a ka kiang a awm tur chuan nang bak a duh leh thlakhlelh kha ka neilo takzet a sin .

Ka hmangaih he khawvel hi nangmah maiin i hmachhawn dawnlo a i kiang ah inu leh pa leh i chhungte an awm a chuan i tlu dawnlo tih ka hria ani , ka natna te hria in i kiang ah awm ni ila mual ka liam hnu ah engtin nge i awm ang ? Khani ai khan ina zawk ngawih ngawih in ka ring ani . Min dem lo la , kei vang in imittui far1 pawh titla duh suh aw .

"Aw khuanu hian engvang in nge awmdun thei tur chuang silo min in tawn tir ni "
Ka chau takzet ani , duhtawk phawt ang aw ? A tawp man i hlim hmel mawi tak kha hmuh leh ka van chak tak em ! Sang ka hmuh phak loh a i kalbo tur kha ka lawm rual in ka van huphurh tak em! He khawvel ka awm chhung a i hmel ka hmuh tawpna ber tur anih tak in tiin i kal tur kha ka lo thlir renv che a i thawmhnaw hak leh i mafler vuah i inhmeh zia te kha aw , ka sana pek che la thla a i vawm vak khan rang em em a tlan in ka lo chhar vat a sin , ka ngai dawn hle che a nang ngai hian fam ka chang ngei bawk dawn ani.

Mangtha le

Lehkha ka chhiar zawh chuan ka bing mup mup a awmdan tur ka thiamlo takzet ani , nilo ani kha a thitheilo ! Kei hi min kalsan theilo . Aw vante u ka hmangaih kha tinge min lak sak " a thlan ah min hruai rawh ?" Meng buai deuh nak chuan tluangi chu ka sawi nawk nawk a ani pawh chuan engmah sawi lemlo in min kai vut a , a scooty chu ti nung in thlanmual awmna lam ah chuan min tlanpui nghal vat a. Thlanmual kna thleng a thlan tawp lam ah chuan thlan la thar ve tak hming "Lalduhkima. Kum 25 thihni. …." A lo inziak kalh a , ka tha chu a khur der der thei hial ani . Thlan vurna lei vung la thar tak ah chuan ka thu deuh thlawp a 'd awi ava har ve ?' engmah ka sawi theilo nilo ka tello in akal tur anilo , ani khan min mamawh asin . Vawi1 tal a hmel hmuh leh ka duh ani kha a sakhmel pawisawilo tak kha kei hian ka hmu leh duh ani , thlan lei vung chu ka hai a tluangin min auhna pawh ka hre chang tawhlo . Ka tin hna chu a chat na them thum nghal bawk mahse ka hmangaih kha a kuang hawng in a kiang ah ka zal ve duh ani
"Sang duhtawk rawh ani chu a awm tawhlo ? He khawvel ah hian a awm ve tawhlo" tihpah a tluang in min rawn kuah thlawp tak ah chuan ka harh chhuak zawk a , ka biang ah mittui tam tak a luang nghal zung zung bawk a
"Tluang ani khan a hma a sila takzet ani , ani kha mahni hmasila leh tenawm tak ani" tiin ka phun chhuak sap a
"Sang itan a tha tur a duh vang alawm he tia a tih hrethiam la hmalam pan tum rawh. Ani chu a awm ve tawhlo hetia i awm hi a duh bik dawnlo ania" tihpah chuan ka sam ah chuan a chul heuh heuh a.

D i awm ve loh atang hian ka khawvel chu a ruak huai a engkim mai hian nang min ngaihzual tir thin a sin ! Kei hi hmeichhe nep tak ka ni i natna pawh hriatthiam pui lo tu che hmeichhia mahse khawngaih in min ngaidam la min haw suh aw ? I awmna chu a nuam bik viau em ni ? Tinge lo haw i tum tawh miah loh a ? Pathian hnen ah khan " ka hmangaih in min ngai em mai khawngaih in ni1 chiah a bul ah min kal tir rawh" tiin dilla aw ? Nang chu i fel a aphal maithei a sin ?????

incoming search terms
mizo story ngaihnawm
mizo long story and episode
mizo chhu hur story
mizo crime story
mizo story fb dahkhawmna
mizo love story dahkhawmna
mizo story tha dahkhawmna
mizo fiamthu story
mizo funny story mizo love story group
mizo story hrang hrang